Byrjuð að halda vefdagbók (Blogga)!

Skrifað af Anna þann 24. maí 2004

Jæja, þá erum við litla fjölskyldan í Svíþjóð byrjuð að "blogga"; réttara sagt að halda vefdagbók.
Vonandi verðum við dugleg að halda þessari síðu við og þar með að skrifa reglulega í vefdagbókina.

Á þessari síðu er "linkur" á heimasíðuna hans Tóta litla. "Linkurinn" kallast Heimasíða Tóta. Við erum að vinna í nýrri síðu fyrir hann – en það verður bara að koma í ljós hversu fljót við verðum að klára hana. Við verðum að láta þessa heimasíðu duga í bili. Held að hún sé bara alveg ágæt en Jóhann vill gera heimasíðu sem betra er að uppfæra – og það er náttúrulega ekki slæmt!