JOSI

Hugsa sér að það séu liðin heil 8 ár frá því að hann Tóti okkar fæddist – og mér finnst bara eins og það hafi bara gerst í gær. Mun aldrei gleyma því þegar ég sá hann í fyrsta skipti… og ennþá síður því þegar ég fékk hann í fangið í fyrsta skipti.

Að venju var töffarinn vakinn með afmælissöng og kossum í morgun – og þar næst var svo haldið inn í eldhús í pakkaopnun. Hann minnist þess á hverju ári, og reyndar oftar en einu sinni, að hann sé fæddur á sama degi og Elvis Presley. Hann er voðalega stoltur af því – enda finnst honum bæði Elvis og lögin hans alveg æðisleg! Held að hann sé Elvis fan nr. 2 – þar sem afi Tóti er nr. 1.
Tótalingurinn var mjög þakklátur fyrir allar fallegu gjafirnar sem hann fékk.

Fyrsti skóladagurinn, eftir jólafrí, er í dag og honum fannst nú ekki leiðinlegt að eiga afmæli á þeim degi. Hann fór með ís í skólann – og ætlar að bjóða krökkunum upp á eftir fyrri frímínúturnar. Alltaf voðalega vinsælt að fara með eitthvað góðgæti til að bjóða uppá – og gera skóladaginn ennþá skemmtilegri.

****

Elsku Tótalingurinn okkar…
Innilega til hamingju með 8 ára afmælið þitt – stóri, góði og fallegi strákurinn okkar!

Afmæliskveðjur,
mamma, pabbi og Karitas

****

Jæja, ég ætla að láta þetta duga í bili…
Hafið það sem allra best!

Kossar og knús,
Anna

Flokkur: Blogg | Tög: Afmæli | Gerast áskrifandi af kommentum | Skrifa athugasemd